வசந்தவாசல்

தொழில்நுட்ப பதிவர்களுக்கு ஒரு All in one மென்பொருள்.

2010-07-11T23:02:00.000+08:00

குறித்த தொழில்நுட்பம் தொடர்பான தொழில்நுட்ப பதிவொன்றை இடும்போது, அத்தொழில்நுட்பம் தொடர்பான விளக்க குறிப்புகளை எழுத்தில் தருவதை விட படங்கள் மூலம் விளக்குவது பதிவை வாசிப்பவர்களை அதிகளவில் ஈர்க்கசெய்யும். அதற்காக நாம் எடுத்து வைத்திருக்கும் படங்களை வலைப்பதிவில் ஏற்றக்கூடியவாறு அதன் Format மாற்றவேண்டி வரலாம், படத்தின் அளவுகளை மாற்றவேண்டி வரலாம், சிலவேளைகளில் பதிவு திருட்டை தடுப்பதற்காக படத்தில் Watermark அடையாளம் ஏற்படுத்தவேண்டி இருக்கும். இவை எல்லாவற்றையும் ஒரே மென்பொருளில் செய்து முடிக்கவியலும். 200KB அளவுள்ள இம்மென்பொருளின் பெயர் Pixillion Image Converter.

தரவிறக்கி நிறுவியபின் திறந்த பின்னரான முகப்பு பக்கம்.

இதில் மேலே Add files பொத்தானை அழுத்தி குறித்த படத்தை திறந்து வைத்து கொள்ளவும். திறந்தவுடன் வலது பக்கத்தில் படம் தெரியும்.

இதில் கீழே தெரியும் Output effects பொத்தானை அழுத்தி வரும் வசனப்பெட்டியில் உள்ள Resize images டேப்பை அழுத்தி வரும் பகுதியில் எமது படத்தின் அளவுகளை மாற்றிக்கொள்ளலாம்.

அதேபோல் அதேவரிசையில் உள்ள Apply watermark, Text effects டேப்களை அழுத்தி குறித்த செயல்பாடுகளை மேற்கொள்ளமுடியும். பின்னர் பிரதான வசனப்பெட்டியில் Outformat பொத்தானை அழுத்தி வேண்டிய format ஐ தெரிவு செய்தபின்னர் Convert பொத்தானை அழுத்தி சேமித்து கொள்ளலாம்.

Teracopy = SuperCopier ஒப்பிட முடியுமா?

2010-07-09T21:09:00.003+08:00

எமது கணணியில் உள்ள அதிகளவான தரவுகளை அல்லது கோப்புகளை ஒரே நேரத்தில் அதிவிரைவாக இடம் விட்டு இடம் (Copy & Paste) நகர்த்துவதற்கு Teracopy மென்பொருளை பயன்படுத்துகிறோம். அண்மையில் இணையத்தில் உலவிக்கொண்டிருக்கும் போது இதே போன்றதொரு இலவச மென்பொருள் கிடைத்தது. பரீட்சித்தும் பார்த்தேன். 500KB அளவுள்ள அதன் பெயர் Super Copier. இதன் வேகமும் செயல்பாடும் TeraCopy மென்பொருளை பெருமளவு ஒத்திருந்தது. இதற்கான தரவிறக்க சுட்டி இதோ. தரவிறக்கி நிறுவியவுடன் டாஸ்க்பாரில் தெரியும் இதன் ஐகானில் வலது சொடுக்கு செய்தவுடன் தெரியும் வசனப்பெட்டியில் New thread > Copy என்பதை தெரிவு செய்யவும். செய்தவுடன் கீழே உள்ளவாறு படம் தெரியும்.

இதில் Unfold பொத்தானை அழுத்த மேலே உள்ள படத்துடன் சேர்ந்து தோன்றும் வசனப்பெட்டியில் இடது பக்கத்தில் மேலிருந்து கீழாக ஐந்தாவதாக உள்ள Add files பொத்தானை தெரிவு செய்யவும்.

தெரிவு செய்தவுடன் வரும் வசனப்பெட்டியில் உங்கள் Copy செய்ய வேண்டிய கோப்புகளை தெரிவு செய்தவுடன் இன்னொரு வசனப்பெட்டி தோன்றும் அதில் Choose distination folder என்பதை தெரிவு செய்தால் போதும் கோப்புகள் விரைவாக நீங்கள் குறித்த இடத்தில் Paste செய்யப்பட்டு விடும். இதை பதிவாக இடும்போது இதில் அதிகமான நேரம் எடுப்பது போல் தோன்றினாலும், உண்மையில் அவ்வாறில்லை. மிக குறைவான நேரத்தில் விரைவாக அதிக தகவல்களை டெஸ்க்டாப்பில் வைத்து Copy & Paste செய்ய முடிகிறது. இதில் உள்ள இன்னொரு வசதி என்னவெனில் கோப்புகளை Copy & Paste செய்யும் வேகத்தையும் நாமே செட் செய்து கொள்ள முடியும்.

Teracopy யை விட இது சிறந்ததா என என்னால் கணிக்க முடியவில்லை. ஆனாலும் எனக்கு இது பிடித்துள்ளது. உங்களுக்கும் இது பிடித்திருந்தால் பயன்படுத்தி பாருங்கள்.

முப்பரிமாண சலனச்சித்திரம் அமைக்கலாம். (Screensaver)

2010-07-04T02:13:00.000+08:00

இப்போதெல்லாம் புகைப்படங்கள் எடுப்பதற்கு தனித்திறமை வேண்டும் எனும் நிலைமை டிஜிட்டல் புகைப்படக்கருவிகள் வந்ததன் பின்னர் இல்லாமல் போய் விட்டது. ஆளுக்கொரு கையில் விதவிதமான புகைப்படக்கருவிகளை வைத்துக்கொண்டு படங்களை சுட்டுத்தள்ளுகிறோம். விழாக்கள் சுற்றுலாக்கள் மற்றும் இன்னோரன்ன தேவைகளிற்கு புகைப்படக்கருவி இல்லாமலா?. இப்படியாக எடுத்து தள்ளிய புகைப்படங்களை எவ்வாறு அழகாக தொகுக்கலாம்.?. ஒரு ஸ்லைட்ஷோவாக, ஒரு வெப்கலரியாக எப்படி வேண்டுமானாலும் விருப்பத்திற்கேற்றவாறு தொகுக்கலாம். அதே புகைப்படங்களை வைத்து எமது கணணிக்கு ஒரு அழகான முப்பரிமாண சலனச்சித்திரம் (screen saver) அமைத்து பார்த்தால் எப்படியிருக்கும்?. இதற்கான வசதியை வழங்குகின்றது இம்மென்பொருள். Photo! 3D Album என்பது இதன் பெயர். பெயரில் கிளிக்கி அதை தரவிறக்கி கொள்ளுங்கள். தரவிறக்கி நிறுவிய பின்னர் திறந்ததும் அதன் முகப்பு பக்கம் இவ்வாறு காட்சியளிக்கும்.

படம் 01

இதில் Start your work எனும் வசனப்பெட்டியில் creat new gallary என்பதை தெரிவு செய்து ok பொத்தானை அழுத்துங்கள். அடுத்ததாக இன்னொரு வசனப்பெட்டி Choose gallary என்பதாக இருக்கும். அதில் உங்களுக்கு விருப்பமானதை தெரிவு செய்யுங்கள். நான் அதில் Art gallary என்பதை தெரிவு செய்துள்ளேன்.

படம் 02

இப்போது பெரிய சாளரத்தில் விசாலமான பகுதியில் ஒரு முப்பரிமாண கட்டடம் தெரியும். அதில் மௌஸ் ஐ வைத்து கிளிக் செய்து கொண்டே இடம் வலமாக அசைத்துப்பாருங்கள். கூகிள் 3D வரைபடத்தில் மௌஸ் ஐ வைத்து எப்படி இயக்குவீர்களோ அதே போல் தான் இதுவும். அதே கட்டடத்தில் சுவர்களில் படங்கள் வைப்பதற்கான சட்டங்களும் தெரியும்.

படம் 03

இனி அச்சட்டங்களில் எமது படங்களை பொருத்த வேண்டும். சாளரத்தின் இடது பக்கத்தில் தெரியும் டிரைவில் படங்கள் உள்ள பகுதியை தெரிவு செய்ய, படங்களிற்கு பெயர் இருப்பின் பெயர் அல்லது எழுத்துக்கள் கீழே உள்ள கட்டத்தில் தெரியும்.

படம் 04

அதில் என்னுடைய படம் ஒன்றை தெரிவு செய்ய, அதே படம் கீழே உள்ள சிறிய சாளரத்தில் தெரிவதையும் பார்க்கலாம்.

படம் 05

இனி நான் இந்த படத்தை மௌஸ் ஆல் கிளிக் பண்ணி இழுத்துக்கொண்டே போய், அருகில் தெரியும் முப்பரிமாண கட்டடத்தில் உள்ள படம் வைக்கும் சட்டத்தில் வைத்து விடுகிறேன்.

படம் 06

இவ்வாறு வைத்தது படம் 06 சாளரம் கீழே உள்ளவாறு மாறியிருக்கும்.

படம் 07

இதில் உள்ள அமைவுகளில் வேண்டிய மாற்றங்களை செய்து கொள்ளலாம். இதில் நான் ஒவ்வொரு படங்களையும் கொண்டு போய் வைத்தவுடன் இவ்விண்டோவில் Adapt என்பதை தெரிவு செய்கிறேன். அவ்வாறு செய்தவுடன் படங்களின் அளவிற்கு ஏற்றவாறு சட்டங்கள் கச்சிதமாக பொருந்தி விடுகின்றன.

படம் 08

சரி சகல படங்களையும் வைத்து முடிந்ததா? அப்படியானால் இனி முன்னோட்டம் பார்க்க வேண்டியது தான். இதற்கு சாளரத்தின் மேல் வரிசையில் உள்ள Preview பொத்தானை அழுத்துங்கள்.

படம் 09

அழுத்தியதும் வரும் Save as வசனப்பெட்டியில் விரும்பிய இடத்தில் சேமித்த பின்னர் தானாகவே உங்கள் படங்கள் அடங்கிய முப்பரிமாண காட்சி இயங்க ஆரம்பிக்கும். எல்லாம் சரி இதை எவ்வாறு நண்பர்களுடன் பகிர்ந்து கொள்வது? சாளரத்தின் மேல் பகுதியில் Preview பொத்தான் அருகில் உள்ள Share பொத்தானை அழுத்துங்கள்.

படம் 10

இதில் web gallery in shockwave format என்பதை தெரிவு செய்து சேமித்தால், pho.to இணையப்பக்கத்தில் ஒரு கணக்கு ஆரம்பிப்பதன் மூலம் அதில் சேமித்து வைத்து நண்பர்களுடன் பகிர்ந்து கொள்ளலாம்.

Stand alone gallery என்பதை தெரிவு செய்து சேமித்தால், ஒரு மென்பொருளை இரட்டை சொடுக்கு செய்து திறப்பதை போல் திறந்து பயன்படுத்தலாம். கணணியில் ஸ்க்ரீன்சேவர் ஆக பயன்படுத்துவதாயின் Installable gallery என்பதை தெரிவு செய்து சேமிக்கலாம். பயன்படுத்தி பார்த்து கூறுங்கள்.

மென்பொருட்களின் சீரியல் இலக்கம் தொலைந்து விட்டதா?

2010-06-28T19:23:00.000+08:00

எமது கணணியில் பல்வேறு மென்பொருட்களை உள்ளீடு பயன்படுத்திக்கொண்டு இருப்போம். அம்மென்பொருட்களின் வட்டுக்களையும் அதன் லைசன்ஸ் இலக்கங்களையும் பத்திரப்படுத்தி வைத்திருப்போம். ஆனாலும் சமயங்களில் கவனக்குறைவாக மென்பொருட்களின் சீரியல் இலக்கங்களை தொலைத்து விடுவதுண்டு. ஏதேனும் ஒரு காரணத்தினால் குறிப்பிட்ட மென்பொருட்களை மீண்டும் கணணியில் உள்ளீடு செய்ய வேண்டி வரும் நேரங்கள் வரும் போது தான் தொலைத்த இலக்கங்களை தேடி அலைந்து கொண்டிருப்போம். இந்த சிக்கல்களில் இருந்து விடுபட ஒரு மிகச்சிறிய 74KB அளவுள்ள License Crawler எனும் மென்பொருள் கைகொடுக்கிறது. இதனை பயன்படுத்தி கணணியில் உள்ளீடு செய்யப்பட்டுள்ள மென்பொருட்களின் லைசன்ஸ் இலக்கங்களை முன்கூட்டியே பெற்று பத்திரப்படுத்தி வைக்கலாம். இதன் தரவிறக்க தள சுட்டி இதோ.

சிப் பைலாக இறங்கும் இதை இன்ஸ்டால் பண்ண வேண்டிய அவசியம் இல்லை. சிப் பைலை விரித்தவுடன் மென்பொருளை இயக்கவேண்டியது தான். அதை இரட்டை சொடுக்கு செய்தவுடன் அதன் முகப்பு இவ்வாறு விரியும்.

இதில் Accept பொத்தானை அழுத்தியவுடன் வரும்படம் கீழே உள்ளது.

இதில் உள்ள செட்டிங்க்சில் எந்த மாற்றமும் செய்யாமல் Start search பொத்தானை அழுத்த வேண்டியது தான். உங்கள் கணணியில் உள்ள விண்டோஸ் இயங்குதளத்தில் இருந்து, உள்ளீடு செய்யப்பட்டுள்ள அனைத்து மென்பொருட்களின் லைசன்ஸ் இலக்கங்களை பட்டியலிடுகிறது. ஆனால் இது நூறு சதவிகிதம் செயல்படுகிறதா என்பதில் எனக்கு சிறு சந்தேகம் நிலவுகிறது. ஏனெனில் எனது கணணியில் உள்ள போட்டோஷாப் மென்பொருளின் லைசன்ஸ் இலக்கம் மட்டும் இதில் கிடைக்கவில்லை. மீண்டும் மீண்டும் முயற்சி செய்து பார்த்தேன் பலனில்லை. நீங்கள் உங்கள் அனுபவங்களை கூறுங்கள்.

படங்களுக்கு அனிமேஷன் எபக்ட்ஸ் வழங்க ஒரு தளம்.

2010-06-20T18:01:00.001+08:00

வழமையாக எமது புகைப்படங்களை எடிட் செய்து, வடிவமைப்பதற்கு போட்டோஷாப் மென்பொருளை அதிகம் பயன்படுத்துகிறோம். அதை தவிர புகைப்பட வடிவமைப்பிற்கென சில ஆன்லைன் தளங்களும் இவ்வசதியை எமக்கு தருகின்றன. என்னதான் ஒவ்வொருவரும் போட்டோஷாப் மென்பொருளை பயன்படுத்தினாலும், அம்மென்பொருளில் தேர்ச்சி பெற்றவர்கள் மட்டுமே அதில் முழுமையான உச்ச பயன்பாட்டை பெற்றுக்கொள்ள முடிகிறது. எனது கணணியில் போட்டோஷாப் மென்பொருள் இருந்தாலும், அதில் நான் ஒரு ஆரம்பநிலை பயனர் தான். முழுமையான தேர்ச்சி என்பது சொல்வதற்கில்லை. அப்படி இருக்கையில் நான் எனது புகைப்படங்களை, நான் போட்டோஷோப்பில் கற்றுக் கொண்டதை விடவும் இன்னும் வித்தியாசமாக, அழகாக, இலகுவான முறையில், அழகான விளைவுகளை (effect) பிரயோகித்து வடிவமைப்பது எவ்வாறு என சிந்தித்தபடியே இணையத்தில் உலவிக்கொண்டிருந்த போது, புகைப்பட அனிமேஷன் வடிவமைப்பிற்கான இரண்டு ஆன்லைன் தளங்கள் கண்ணில் பட்டது. அதில் ஒன்று Lunapic தளம்.

இதில் நாம் எமது புகைப்படங்களை கணணியில் அல்லது வேறு தளங்களில் இருந்து தரவேற்றம் செய்து விரும்பிய முறையில் வடிவமைக்கலாம். அதன் முகப்பு தளம் கீழே உள்ளவாறு விரிகிறது.

இத்தளத்தில் இடது பக்கத்தில் புகைப்பட வடிவமைப்பிற்கான வழமையான கருவிகள் கீழ் நோக்கிய வரிசையில் மஞ்சள் வர்ணத்தில் காணப்படுகின்றன. இத்தளத்திற்குரிய சிறப்பம்சமான விடயங்கள் மேலே மெனு வரிசையில் உள்ள Effects மற்றும் Animations ஆகும். இத்தளத்தில் எனக்கு பிடித்த விடயங்களும் இவைதான். எமது புகைப்படங்களை தரவேற்றம் செய்து விட்டு, நாம் விரும்பும் Effects அல்லது Animations ஐ நேரடியாக படங்களின் மீது தெரிவு செய்து பிரயோகிக்கலாம்.

இத்தளத்தில் நான் எடுத்துக்கொண்ட புகைப்படம் ஒன்றை தரவேற்றிய பின்னர் அதற்கு மெனு பகுதியில் உள்ள Animations இல் உள்ள Water droplet என்பதை தெரிவு செய்ய எனது படம் பின்வருமாறு கிடைத்தது.

இதே படத்தில் மீண்டும் மெனுவில் Animation சென்று அதில் Reflecting water என்பதை தெரிவு செய்ய படம் பின்வருமாறு தெரிந்தது.

இதே போல் நீங்களும் உங்கள் புகைப்படங்களுக்கு வித்தியாசமான அனிமேஷன் எபக்ட்ஸ் வழங்கி முயற்சி செய்து பார்க்கலாம். இலவச இணைப்பாக இன்னொரு தளத்தின் சுட்டியையும் தருகின்றேன். அதிலும் நீங்கள் முயற்சி செய்து பார்க்கலாம். தளத்தின் பெயர் பிக்னிக் டாட் காம். பயன்படுத்தி பார்த்து விட்டு உங்கள் கருத்துக்களை கூறுங்கள்.

இணைய வீடியோக்களை தரவிறக்க ஒரு மென்பொருள்.

2010-06-19T19:20:00.000+08:00

நாம் இணையத்தளங்களில் பார்வையிடும் வீடியோக்களை தரவிறக்கவென தினமும் புதிய மென்பொருட்கள் மற்றும் தரவிறக்க வழி முறைகள், தொழில்நுட்ப பதிவர்களால் அறிமுகப்படுத்தப்பட்டுக் கொண்டிருக்கின்றன. அந்த வகையில் நானும் என்னுடைய பங்கிற்கு ஒரு மென்பொருளை இங்கு அறிமுகப்படுத்துகிறேன். மென்பொருளின் பெயர் VDownloader. எமக்கு பிடித்த இணைய வீடியோக்களை நாம் விரும்பும் பார்மெட்டில் தரவிறக்க முடிவதுடன், அதில் உள்ள தேடுதல் (Search) வசதியை கொண்டு தேடியந்திர பக்கம் போகாமலேயே, இம்மென்பொருளில் வைத்தே நாம் விரும்பும் வீடியோக்களை பார்வையிடவும், தரவிறக்கவும் முடிகிறது. மேலதிக விபரங்களிற்கு கீழ்க்காணும் வீடியோவை பார்வையிடுங்கள்.

தரவிறக்கும் தளத்திற்கு செல்லும் சுட்டி இதோ கிளிக்குங்கள்.

சில கணணி குறிப்புகள்.

2010-05-28T22:59:00.002+08:00

எமது கணணிகளில் டெக்ஸ்டாப் ஐகான்களை வழமையாக இரட்டை சொடுக்கு (Double click) செய்வதன் மூலமே திறக்கிறோம். மாறாக ஒரே சொடுக்கின் (Single click) மூலமும் ஐகான்களை திறக்கலாம். அதற்கு கீழ் கண்ட வழிமுறைகளை பின்பற்றவேண்டும். ஸ்டார்ட் (Start) பொத்தானில் வலது சொடுக்கு செய்து Explore செல்லுங்கள். வரும் Start menu இல் Tools > Folder option ஐ தெரிவு செய்யுங்கள். அதில் General Tab இல், Click items as follows என்பதில் Single click to open an item (point to select ) என்பதில் டிக் செய்யுங்கள். Apply > ok கொடுத்து வெளியேறுங்கள். இனி உங்கள் டெஸ்க்டாப் இல் உள்ள ஒவ்வொரு ஐகனையும் ஒரே சொடுக்கில் திறந்து பணியாற்றலாம். படம் கீழே.

விசைப்பலகையில் Ctrl பொத்தான் அருகில் மெனு கீ (Menu key) என ஒன்று உள்ளதே. அதை அழுத்தி பார்த்திருக்கிறீர்களா? கணணி திரையில் வெறுமையாக உள்ள பகுதியில் சுழலியை வலது சொடுக்கு செய்கையில் கிடைக்கும் பட்டியல் இதை அழுத்தும் போதும் கிடைக்கும் .

கணணியில் மும்முரமாக தட்டச்சு செய்து கொண்டிருப்போம். அந்த தட்டச்சு செய்யும் வேகத்திலேயே விசைப்பலகை ஓரத்திலே சிவனே என உட்கார்ந்திருக்கும் Caps Lock பொத்தானையும் அழுத்தி விட்டு தொடர்ந்து தட்டச்சு செய்வோம். விளைவு? ஆங்கில எழுத்துக்களில் தட்டச்சு செய்தால் எழுத்துக்கள் பெரிய எழுத்துக்களாக மாறிவிடும். தமிழ் எழுத்துக்களாக இருந்தால் ததிங்கிணத்தோம். அந்த நேரம் நம் தலையை பிய்த்து கொள்ள வேண்டும் போல் இருக்கும். இதை தவிர்க்க என்ன வழி?. Controlpanel > Accessibility options சென்று Keyboard Tab ஐ தெரிவு செய்யுங்கள். அதில் கீழே மூன்றாவதாக உள்ள Toggle keys என்பதன் கீழ் Use toggle keys என்பதன் முன்னால் உள்ள பெட்டியில் டிக் செய்து apply > ok கொடுத்து வெளியேறவும். இனி தட்டச்சு செய்து கொண்டிருக்கும் மும்முரத்தில் Caps Lock விசை அழுத்தப்பட்டால் கணணி பீப் ஒலி எழுப்பி எச்சரிக்கும்.

நமது கணணியில் My computer > System properties செல்ல வேண்டுமானால் My computer ஐகான் மீது கர்சரை வைத்து வலது சொடுக்கு செய்து properties செல்லலாம். இதையே கொஞ்சம் வித்தியாசமாக செய்யலாம். குறிப்பிட்ட ஐகான் மீது கர்சரை வைத்திருக்கும் சமயத்தில் Alt விசையை அழுத்திய படி இரட்டை சொடுக்கு செய்து பாருங்கள்.

வலைப்பக்கம் ஒன்றை பார்வையிட்டுக்கொண்டு இருக்கிறீர்கள். அதில் எழுத்துக்கள் சிறிதாக தெரிகின்றதா?. Ctrl விசையை அழுத்திக்கொண்டு உங்கள் சுழலியின் சக்கரத்தை முன் பின்னாக உருட்டி பாருங்கள். (Zoom In, Out)

ஜிமெயில், யாகூ கணக்குகளின் கடவுச்சொல் மாற்றுவது எப்படி?

2010-05-05T21:50:00.001+08:00

எல்லா மின்னஞ்சல் மற்றும் தளங்களிற்குமான கணக்குகளிற்கும் ஒரே கடவுச்சொல்லை வைத்திருப்பது எவ்வளவு தவறான விடயமோ? அதே அளவிற்கு தவறானதும், பாதுகாப்பற்றதுமானது அவற்றை நீண்ட காலமாக மாற்றாமல் வைத்திருப்பது. உங்கள் கடவுச்சொற்களை உடனடியாகவே பாதுகாப்பானதாக மாற்றிக்கொள்ளுங்கள்.

உங்கள் ஜிமெயில் கணக்கில் கடவுச்சொல் மாற்றுவதற்கு :

உங்கள் ஜிமெயில் பெட்டியை திறந்து கொள்ளுங்கள். அதில் Settings கிளிக்கி வரும் பெட்டியில் Account and Imports என்பதை தெரிவு செய்யுங்கள். பின்னர் வரும் பெட்டியில் கீழ் பகுதியில் உள்ள Google Account Settings ஐ தெரிவு செய்யுங்கள். வரும் பக்கத்தில் Personal Settings என்பதன் கீழ் உள்ள Change Password ஐ தெரிவு செய்து உங்கள் கடவுச்சொல்லை மாற்றிக்கொள்ளுங்கள்.

உங்கள் யாஹூ கணக்கில் கடவுச்சொல்லை மாற்றிக்கொள்வதற்கு :

உங்கள் யாகூ அஞ்சல் பெட்டியை திறந்து கொள்ளுங்கள். அதில் வலது பக்க மேல்மூலையில் உள்ள Option என்பதில் Mail Option என்பதை தெரிவு செய்யுங்கள். திறக்கும் பக்கத்தில் இடது பக்கத்தில் உள்ள Account Information ஐ கிளிக்குங்கள்.

வரும் பக்கத்தில் உங்களிடம் ஏற்கெனவே உள்ள கடவுச்சொல்லை இட்டு கணக்கை மீண்டும் இயக்கிக்கொள்ளுங்கள்.

அடுத்து வரும் Yahoo Account Info எனும் பக்கத்தில் Sign-in and Security என்பதன் கீழ் உள்ள Chenge your Password என்பதை சொடுக்கி உங்கள் யாஹூ கணக்கை மாற்றிக்கொள்ளுங்கள்.

ஹாட்மெயில் கணக்கில் கடவுச்சொல் மாற்றிக்கொள்வதற்கு:

உங்கள் ஹாட்மெயில் கணக்கில் நுழைந்து முகப்பு பக்கத்திற்கு வந்தவுடன், வலது மேல் பக்கத்தில் உங்கள் பயனர் பெயருக்கும் அவதார் படத்திற்கும் நடுவில் உள்ள கீழ் நோக்கிய சிறிய அம்புக்குறியில் கிளிக்குங்கள். அதில் View Your Account என்பதை தெரிவு செய்யுங்கள்.

அதில் இடது பக்கத்தில் Password reset information என்பதன் கீழ் Password என்பதன் நேரே உள்ள Change என்பதை தெரிவு செய்து உங்கள் கடவுச்சொல்லை மாற்றிக்கொள்ளுங்கள். படம் கீழே .

கூகிள் குரோம் உலவியை எவ்வாறு அப்டேட் பண்ணுவது?

2010-05-03T18:47:00.004+08:00

முதல் முன்னணியில் இருக்கும் உலவிகளுள் கூகிள் குரோமும் ஒன்று. நீங்கள் குரோம் பாவிப்பவராக இருந்தால், உங்கள் உலவியை மேம்படுத்தி இருக்கிறீர்களா?, எவ்வாறு மேம்படுத்துவது என கேட்டால் இதோ இலகுவான வழி . உலவியி வலது மேல் மூலையில் இருக்கும் செட்டிங்க்ஸ் (Settings) தெரிவு செய்யுங்கள். அதில் about Google Chrome என்பதை கிளிக்குங்கள்.

அதில் இந்த படம் தெரிகிறதா?.

உங்கள் உலாவிக்கு மேம்படுத்தல்கள் கிடைக்கப்பெற்று

இருந்தால் Checking for updates எனும் இடத்தில் a new version of Google Chrome is available எனவும் பக்கத்திலேயே Update Now எனும் பொத்தானும் இருக்கும். அவ்வாறு இருப்பின் பொத்தானை அழுத்த வேண்டியது தான் உங்கள் வேலை. படங்கள் வரிசையாக .

இது உங்களுக்கு பயன்தரக்கூடிய விடயமாக இருந்தால் பின்னூட்டத்தில் தெரிவியுங்கள்.

படம் அல்லது உரு ஒன்றின் பின்னணி படத்தை எப்படி மாற்றுவது.

2010-05-03T00:29:00.001+08:00

முதலில் பலவித பின்னணி வர்ணங்கள் கொண்டிராத, பின்னணி வர்ணமாக ஒரு வர்ணத்தை கொண்டிருக்கும். ஒரு படத்தை திறந்து கொள்ளுங்கள். பின்னணி வர்ணமாக ஒரு வர்ணம் இருப்பின் Magic Wand Tool ஆல் தெரிவு செய்வது சுலபம். இதில் நான் என்னுடைய படத்தை எடுத்திருக்கிறேன்.

ஆனால் என்னுடைய படத்தில் Magic Wand Tool பயன்படுத்த முடியாது. காரணம் உங்களுக்கு புரிந்திருக்கும். பின்னணி வர்ணம் ஒரே சீராக இல்லை. எனவே நான் Magnetic Lasso Tool ஐ பயன்படுத்த போகிறேன்.

இப்பொழுது இரண்டாவது படத்தை பாருங்கள்.பின்னணி படம் வரவேண்டிய இடத்தை Magnetic Lasso Tool ஆல் தெரிவு செய்துள்ளேன்.

Magnetic Lasso Tool ஆல் தெரிவு செய்ததை Del கொடுத்தபின் இவ்வாறு தோற்றமளிக்கிறது. இனி பின்னணியாக வரவேண்டிய படம் ஒன்றை திறந்து அதில் தெரிவு செய்த பகுதியை Marquee Tool மூலம் தெரிவு செய்து Copy செய்யுங்கள். நான் கீழே உள்ள படத்தை தெரிவு செய்துள்ளேன்.

இங்கு Copy செய்த பின்னர் மீண்டும் மூன்றாவது படத்தை தெரிவு செய்து Edit Menu இல் சென்று Past Into கட்டளையை வழங்குங்கள்.

இப்பொழுது பின்னணியாக அமைத்த படம் மேலும் கீழும் சரியாக பொருந்தாமல் இருக்கிறது. அதை சரி செய்ய வேண்டும். அதற்கு Edit Menu இல் உள்ள Free Transform கட்டளையை வழங்க வேண்டும். அதை விசைப்பலகையிலும் Ctrl + T அழுத்தி வழங்கலாம். வழங்கிய பின் இவ்வாறு தோன்றும்.

கட்டளையை வழங்கிய பின்னர் பின்னணி படத்தில் தெரியும் சின்ன சதுர கட்டங்களில் மவுஸ் ஐ வைத்து கிளிக் பண்ணிய படி வேண்டிய பக்கத்திற்கு இழுத்து விடலாம். அதன் தோற்றம் கீழே இவ்வாறு.

இழுத்து விட்ட பின்னர் மவுஸ் முனையை Tool Menu இல் உள்ள Move Tool இல் வைத்து கிளிக் பண்ண வரும் Apply the transformation என்பதில் Apply என்பதை கொடுங்கள். இனி இதில் இன்னும் கொஞ்சம் திருத்தங்கள் செய்ய வேண்டியுள்ளது. அதற்காக நான் செய்த காரியம் முதலில் Layer Menu சென்று Flattern Image தெரிவு செய்தேன். இப்பொழுது எனது படம் பின்னணியுடன் இணைந்து விட்டது. இப்பொழுது படத்தின் விளிம்புகளில் உள்ள குறைகளை சரி செய்ய வேண்டும். அதற்கு நான் செய்த இலகுவான விடயம் Clone Stamp Tool ஐ தெரிவு செய்து விசைப்பலகையில் Alt ஐ அழுத்திய படியே பின்னணி படத்தில் மவுஸ் ஐ வைத்து கிளிக் செய்த பின் படத்தின் ஓரத்தில் விட்டு விட்டு கிளிக் செய்ய வெள்ளை நிறம் பின்னணி நிறத்திற்கு மாறிவிட்டது. எல்லாம் முடிவடைந்த பின் படம் இவ்வாறு.

ஏதோ எனக்கு தெரிந்ததையும் கற்றதையும் போட்டிருக்கிறேன்.

Photoshop இல் இரண்டு பின்னணி படங்களை ஒன்றாக்கி புதிய பின்னணி படத்தை உருவாக்குதல்.

2010-05-02T15:32:00.000+08:00

இது போட்டோஷாப் இல் நான் கற்று கொண்ட முதல் பாடம். முதலில் பின்னணி படமொன்றை திறந்து, அதில் அடுத்த பின்னணி படத்தை வைக்கவேண்டிய இடத்தை Marquee Tool ஆல் தெரிவு செய்யுங்கள். என்னுடைய படத்தில் நான் இவ்வாறு தெரிவு செய்துள்ளேன்.

பின்னர் விசைப்பலகையில் Alt + Ctrl + D என்பதை அழுத்தி வரும் Feather Selection எனும் பெட்டியில் Feather Radius என்பதை 25 ஆக வழங்கி OK கொடுங்கள். பின்னர் அடுத்த பின்னணி படத்தை திறந்து,

விசைப்பலகையில் Ctrl + A அழுத்தி படம் முழுவதையும் தெரிவு செய்யுங்கள். படம் கீழே.

படம் முழுமையாக தெரிவு செய்த பின்னர் விசைப்பலகையில் Ctrl + C அழுத்திய பின்னர் மீண்டும் முதல் பின்னணி படத்தை தெரிவு செய்து Shift + Ctrl + V, அழுத்துங்கள் அல்லது Edit Men இல் Past Into கட்டளையை தெரிவு செய்யுங்கள். இப்பொழுது படம் கீழே உள்ளவாறு .

முதல் பின்னணி படத்தில் தெரிந்த நிலவு புதிய பின்னணி படத்தில் மறைக்கப்பட்டுள்ளது.இனி Layer Menu இல் Flattern Image ஐ தெரிவு செய்ய இரண்டு பின்னணி படங்களும் ஒன்றாக காட்சியளிக்கும். இது போல் வெவ்வேறு பின்னணி படங்களை ஒன்றாக்கி அழகிய புதிய பின்னணி படங்களை உருவாக்கலாம்.

சின்ன சின்ன கணணிக்குறிப்புகளும் குறுவழி விசைகளும். (SHORTCUT KEY)

2010-05-02T12:06:00.000+08:00

கணணியில் வேலை செய்து கொண்டிருக்கும்பொழுது சில நேரங்களில் கணணித்திரை வெளிச்சம் குறைந்து விடலாம். அப்படி மங்கலான திரையை கண்டால் உடனே அது VGA CARD கோளாறு என முடிவு கட்டவேண்டாம். உங்கள் விசைப்பலகையில் கண்ட்ரோல் விசையையும் மற்றும் விண்டோஸ் விசையின் நடுவில் உள்ள Fn எனும் நீல நிற ஆங்கில எழுத்துக்கள் உள்ள விசையையும், விசைப்பலகையின் மேல்பகுதியில் தொலைக்காட்சி திரையின் அமைப்பின் நடுவில் நட்சத்திரம் போன்ற குறியீட்டை கொண்ட F6 விசையையும் ஒன்று சேர்த்து தொடர்ச்சியாக விட்டுவிட்டு அழுத்த கணணித்திரை வழமைக்கு திரும்புவதை பார்க்கலாம். இவ்விசை விசைப்பலகைகளுக்கு ஏற்ப மாறுபடலாம். சில விசைப்பலகைகளில் F7 அல்லது F5 ஐ அழுத்த வேண்டி இருக்கும்.

திரையில் திறந்து வைத்திருக்கும் பல சாளரங்களை ஒன்றாக திறக்க அல்லது மூட விண்டோஸ் விசையுடன் D விசையை சேர்த்து அழுத்துங்கள். (MINIMIZE & MAXIMIZE)

உங்கள் கூகிள் மின்னஞ்சலில் உள்ள முக்கியமான அஞ்சல் ஒன்றை ஆவணமாக (Google document)மாற்ற விரும்பினால், மின்னஞ்சல் பெட்டியில் Settings > labs > Creat a document ஐ Enable செய்து சேமித்த பின்னர் வெளியேறவும். பின்னர் ஆவணமாக மாற்ற வேண்டிய அஞ்சலை திறந்து வைத்துக்கொண்டு, வலப்பக்க மேல் மூலையில் உள்ள creat a document என்பதை தெரிவு செய்யவும். இவ்வாறு மாற்றிய ஆவணங்களை பின்னர் காண விரும்பினால் உலவியின் முதன்மை பக்கத்தில் இடது மேல் மூலையில் உள்ள Web, Images வரிசையில் More என்பதை அழுத்த வரும் விபர பெட்டியில் Document என்பதை தெரிவு செய்யவும்.

கூகிள் மின்னஞ்சல் ஆரம்பித்த புதிதில் ஒவ்வொரு முறையும் மின்னஞ்சல் பெட்டியை திறக்கும் போது மிக விரைவாக செயல்பட்டது. இப்பொழுது ஆமைவேகத்தில் மின்னஞ்சல் திறக்க நேரம் எடுத்து கொள்கிறது எனில் பின்வரும் மாற்றங்களை செய்யுங்கள். முதலில் ஜிமெயில் Settings சென்று General > Maximum Page size > Show converstation என்பதில் உங்கள் மின்னஞ்சல் பெட்டியில் எப்பொழுதும் குறைந்த அளவு எத்தனை அஞ்சல்கள் இருக்கலாம் என நிர்ணயித்து விடுங்கள். 50 அல்லது 25 வழங்குவது நல்லது.

முக்கியமான மின்னஞ்சல்களை தரம்பிரித்து (Label) வைத்து கொள்ளுங்கள். அவ்வப்பொழுது Trash, Spam அஞ்சல்களை நீக்கிவிடுங்கள். இவை குறிப்பிட்ட கால இடைவெளியில், குறிப்பிட்ட எண்ணிக்கையில் சேர்ந்தவுடன் தானாகவே அகற்றப்பட்டுவிடும். இருந்தாலும் நாம் அதுவரைக்கும் காத்திருக்க வேண்டாமே.

கூகிள் அஞ்சலுக்கு சில விசைப்பலகை குறுக்கு வழிகள்.
C - புதிய மின்னஞ்சல் எழுத.
K+Enter - இறுதியாக வந்த மின்னஞ்சலை படிக்க.
J+Enter - முந்தைய மின்னஞ்சலை படிக்க.
U - அஞ்சல்களுக்கு மீளதிரும்ப
S - அஞ்சல்களுக்கு நட்சத்திர குறியீடு வழங்க.
! - தெரிவு செய்யப்பட்ட அஞ்சல்களை குப்பை என குறிப்பிட(Spam).
Shift+R - பார்வையிட்ட மின்னஞ்சலுக்கு பதில் அனுப்ப.
Shift+F - பார்வையிட்ட மின்னஞ்சலை வேறு முகவரிக்கு முன் அனுப்ப.
# - அஞ்சலை குப்பைக்கு அனுப்ப.
மேலதிக குறுக்கு வழி விசைகளை பார்வையிட

மூஞ்சி புத்தகத்துக்கு லேஅவுட் மாற்றி பார்க்கலாமா?

2010-05-01T00:09:00.000+08:00

நாம் அன்றாடம் பயன்படுத்தும் சமூக வலைத்தளங்களில் பேஸ்புக்கும் ஒன்று. நம்மில் பலபேர் விடிந்தால் பொழுது இருளும் வரைக்கும் அதிலேயே மூழ்கிப்போய் இருப்பதுமுண்டு. அதற்காக வீட்டில் வாங்கி கட்டிக்கொள்வதுமுண்டு. எது எப்படியோ அது ஓர் இனிமையான அனுபவம் தான். நாம் தினம் பயன்படுத்தும் மூஞ்சிபுத்தகத்தை அதன் வடிவமைப்பை தினம் தினம் ஒரே மாதிரி பார்த்து கொண்டிருப்பதில் நம்மில் அதிகம் பேருக்கு நிச்சயம் சலிப்பு தட்டியிருக்கும். அதன் வடிவமைப்பை கொஞ்சம் மாற்றி பார்த்தாலென்ன என்று யோசித்திருப்போம். ஆனால் மாற்ற முடியுமா? நிச்சயம் முடியும். முதலில் உங்கள் நெருப்பு நரி உலவி அல்லது இன்டர்நெட் எக்ஸ்புளோரர் உலவி மூலமாக மூஞ்சி புத்தக கணக்கில் நுழைந்து கொள்ளுங்கள். பின்னர் இந்த சுட்டியை சொடுக்குங்கள்.

அதில் பலவித மூஞ்சி புத்தக லேஅவுட் மாதிரிகள் கிடைக்கின்றன. அதில் உங்களுக்கு பிடித்த லேஅவுட் ஐ தெரிவு செய்தவுடன் வேறொரு பக்கத்திற்கு நீங்கள் எடுத்து செல்லப்படுவீர்கள். அங்கே பச்சை நிறத்தில் உள்ள இன்ஸ்டால் பொத்தானை அழுத்துங்கள். அதில் கிடைக்கும் நெருப்பு நரி உலவிக்கான அட் ஒன் ஐ பதிவிறக்கம் செய்து இன்ஸ்டால் செய்தவுடன் நெருப்பு நரியை மீள்துவக்குங்கள்.

இப்போது மீண்டும் உங்கள் மூஞ்சி புத்தக கணக்கில் நுழைந்து கொள்ளுங்கள். இப்பொழுது உங்களது மூஞ்சி புத்தகம் லேஅவுட் தோற்றம் மாறியிருக்கும். அவ்வாறு மாறவில்லை எனில் உங்கள் சுயவிபர பக்கத்திற்கு வாருங்கள். அதில் உங்கள் சுயவிபர படத்திற்கு நேர் கீழாக Edit my profile என்பதன் கீழே உள்ள Select profile layout என்பதை அழுத்துங்கள். அழுத்தி வரும் பக்கத்தில் உங்களுக்கு பிடித்த லேஅவுட் ஐ தெரிவு செய்து உங்கள் மூஞ்சி புத்தகத்தை அழகு படுத்துங்க.

ஆனால் இது நெருப்பு நரி , இன்டர்நெட் எக்ஸ்புளோரர் மூலமாக மூஞ்சி புத்தகத்தை பார்க்கும் போதே இந்த மாற்றம் தெரியும். குரோம் உலவி மூலம் பார்க்கும் போது கிடைக்கவில்லை. முயற்சி பண்ணி பாருங்கள்.

உபுண்டுவும், எக்ஸ்பியும் நானும் ஓர் அனுபவம்.

2010-04-24T19:57:00.001+08:00

எனது கணணி தொடர்பான பரிசோதனை களங்களில் முதல் பலியாடு எனது மடிக்கணணி தான். சில நேரங்களில் இதனால் பொருளாதார இழப்புகளை சந்தித்தாலும்,அவசர குடுக்கைத்தனமாக என்ன செய்யக்கூடாது, என்ன செய்யலாம் என பல பாடங்களுடன், சில கணணி சார் புதிய விடயங்களை கற்றுக்கொண்டு இருக்கிறேன். இங்கே நான் பேசப்போகும் விடயம் எனக்கு தான் புதிதே தவிர கணணியை கரைத்து குடித்தவர்களுக்கு பழைய விடயங்கள் தான். இந்த பாடங்கள் என்னை போல் புதியவர்களுக்கும் சிலவேளைகளில் உதவியாக அமையலாம்.

இந்த உபுண்டு எப்படி எனக்கு அறிமுகமானது?.அவ்வப்போது இருப்புக்கொள்ளாமல் வலைத் தளங்களை போட்டு துழாவிகொண்டு இருக்கையில் லினக்ஸ் இயங்குதளங்கள் தொடர்பான வலைப்பக்கங்களும் கண்ணில் பட்டது. அதில் ஒன்று சுதந்திர இலவச மென்பொருள். அதில் உபுண்டுவின் மகிமைகளை வாசிக்கும்போதே அதை ஒரு முறையாவது எனது மடிக்கணணியில் இயக்கி பார்த்துவிட வேண்டும் என்கிற ஆவல் வந்தது. உடனடியாகவே அதில் குறிப்பிடப்பட்டுள்ள தளத்தில் போய் எனது முகவரியை பதிந்து உபுண்டு இயங்குதள குறுவட்டுக்கு விண்ணப்பித்தேன். ஆறு வாரங்களின் பின்னர் தபாலில் வீட்டுக்கே குறுவட்டை இலவசமாக அனுப்பி வைத்தார்கள். சரி உபுண்டு 9.10 இயங்குதள குறுவட்டு என்கையில் உள்ளது. இதை எப்படி நிறுவுவது? யாராவது தொழில்நுட்ப பதிவர்கள் நிறுவல் பற்றி பதிவிட்டார்களா? என பார்ப்போம் என நினைத்து கொண்டே தேடியதில் நண்பர் கதிர்வேலின் தளம். கண்ணில் சிக்கியது. அதில் இரட்டைஇயங்குதளங்களாக உபுண்டு நிறுவும் விதத்தை மிக தெளிவாக விளக்கியிருந்தார். அதை ஒன்றுக்கு நான்கு முறையாக படித்து மனதில் வைத்துக் கொண்டே உபுண்டுவை எனது எக்ஸ்பி இயங்குதள மடிக்கணணியில், மூன்றாக பகுக்கப்பட்ட வன்வட்டில் D பகுப்பில் நிறுவிக்கொண்டேன்.

ஆனால் நிறுவுவதற்கு முன்னர் உபுண்டுவிற்காக வன்வட்டு பிரிப்பது எவ்வாறு என கதிர்வேலிடம் மின்னஞ்சல் மூலம் கேட்டுக்கொண்டேன். என்னதான் வன்வட்டு பிரிப்பது தொடர்பில் தெளிவாக கதிர்வேல் வழிகாட்டியை வழங்கி இருந்தாலும் ஒரு லேசான தயக்கம் இருக்கத்தான் செய்தது. ஆனாலும் காத்திருக்க பொறுமை இல்லாததால் கதிர்வேலிடம் இருந்து பதில் வருவதற்கு முன்னரே உபுண்டுவை மடிக்கணணியில் நிறுவி விட்டேன். (இது தான் அவசரகுடுக்கைத்தனமோ?) சில நாட்கள் இவ்வாறு உபுண்டுவையும், எக்ஸ்பி இயங்குதளத்தையும் மாறி மாறி பயன்படுத்தி கொண்டு இருக்கும் பொழுது தான் எனக்கு இன்னொரு பழைய மேசைக்கணணி கிடைத்தது. இப்பொழுது மடிக்கணணியிலிருந்து உபுண்டுவை அகற்றிவிட்டு அதை மேசைக்கணணியில் நிறுவலாம் என தீர்மானித்தேன்.

ஆனால் எவ்வாறு உபுண்டுவை மடிக்கனணியில் இருந்து அகற்றுவது? இதைப்பற்றியும் யாராவது பதிவிட்டுள்ளார்களா ? என தேடிய பொழுது சூர்யாகண்ணனின் தளத்தில் இது பற்றிய பதிவொன்று இருந்தது. அவர் காட்டிய வழியை பின்பற்றி மடிக்கணணியில் இருந்து உபுண்டுவை அகற்றினேன். இப்பொழுது எந்த பிரச்சினையும் இல்லை. ஆனால் உபுண்டுவை மடிக்கணணியில் நிறுவி இரண்டு மூன்று நாட்களின் பின்னர் கதிர்வேலிடம் இருந்து மின்னஞ்சல் வந்திருந்தது. அதில் விண்டோஸ் இயங்குதள கணணியில் இரட்டை இயங்குதளங்களாக உபுண்டுவை நிறுவுவது சிரமமாக ( வன்வட்டு பிரிப்பது) இருந்தால், விண்டோசிற்குள் ஒரு மென்பொருளை நிறுவுவது போல் உபுண்டுவையும் நிறுவலாம் என குறிப்பிட்டு அதற்கான வழிகளையும் காட்டியிருந்தார். இப்பொழுது மேசைக்கணணியில் உபுண்டு தனியான இயங்குதளமாக இயங்கிக்கொண்டு இருந்தது. அதை குழப்ப மனம் விரும்பவில்லை. ஆனால் கதிர்வேல் காட்டிய இரண்டாவது வழியையும் செய்து பார்த்து விட மனம் துடித்தது.

திரும்பவும் மடிக்கணணியின் மடியிலேயே கைவைத்தேன். ஆம் திரும்பவும் கதிர்வேல் காட்டிய இரண்டாவது இலகுவான வழியில் உபுண்டுவை எனது மடிக்கணணியில் விண்டோசிற்குள் நிறுவிவிட்டேன். வன்வட்டு பிரிப்பது போன்ற மண்டை காய்வது போன்ற சிரமம் எதுவும் இல்லை. இப்பொழுது கணணியை துவக்கினால் ஆரம்பநிலையில் பூட் லோடர் தெரிகின்றது. முதல் நிலையில் விண்டோஸ் இயங்குதளத்தையும், இரண்டாவது நிலையில் உபுண்டுவையும் காட்டுகின்றது கணணி. அது வழங்கும் முப்பது வினாடிக்குள் எந்த இயங்குதளத்திற்குள் நுழைவது என தெரிவு செய்யும்படி கேட்கிறது. முப்பது வினாடிக்குள் நாம் தெரிவு செய்ய தவறினால் அது தானாகவே இயல்பிருப்பாகவே முதல் நிலையில் உள்ள விண்டோஸ் இயங்குதளத்திற்குள் தானாகவே நுழைந்து விடுகின்றது. இப்படியாக சில நாட்கள் இயங்கிக்கொண்டு இருக்கிறது. சக்கரவியூகத்திற்குள் நுழைய தெரிந்தால் மட்டும் போதுமா? திரும்பிவர வழி ஏது? அதையும் தெரிந்து வைத்திருந்தால் நல்லது தானே. கொஞ்சமாவது சொந்தக்காலில் நிற்க தெரிந்திருப்பது ஒன்றும் தவறில்லையே.

இப்போது எவ்வாறு உபுண்டுவை மடிக்கணணியிலிருந்து அகற்றுவது? ஒன்றும் பெரிய சிரமம் இல்லை. விண்டோசிற்குள் ஒரு மென்பொருள் நிறுவுவது போல் நிறுவி இருப்பதால், கண்ட்ரோல் பனல் போய் அன்இன்ஸ்டால் கொடுத்துவிடலாம். கொடுத்தேன், நீக்கியும் விட்டேன். இப்பொழுது இன்னொரு சிக்கல் ஆரம்பமானது. சிக்கல் ஒன்றும் மோசமானது இல்லை. கணணியை மீள துவக்கும் பொழுது முன்பிருந்தது போலவே லோடரில் அதே முப்பது வினாடி நேரத்திற்குள் இயங்குதளத்தை தெரிவு செய்யுமாறு கூறி விண்டோஸ் இயங்குதளத்தையும், உபுண்டு இயங்குதளத்தையும் காட்டியது. நான்தான் உபுண்டுவை அகற்றி விட்டேனே. பிறகு ஏன் இப்படி காட்டுகின்றது என தலையை சொறிந்து கொண்டேன். ஆனால் உபுண்டுவை தெரிவு செய்து என்டர் விசையை தட்டினால் உபுண்டுவிற்குள் நுழையாது. அங்கே தான் உபுண்டு இல்லையே. மாறாக பிழை செய்தி தான் வரும். மீண்டும் என்டர் விசையை தட்டினால் விண்டோசிற்குள் நுழைந்து கொள்ளும்.

கணணி இயக்கத்தில் எந்த பிரச்சனையும் இல்லை. ஆனால் லோடரை சரி பண்ணும் வழி தான் தெரியவில்லை. யார் யாரிடமோ எல்லாம் கேட்டு பார்த்தேன். அவர்கள் எல்லாம் விண்டோஸ் பூட் லோடரை மீள நிறுவும் வழியை தான் காட்டினார்கள். லோடரை தான் சரி பண்ண முடியவில்லை முப்பது வினாடி தாமதத்தை கொஞ்சம் குறைக்க முடியுமா என முயற்சி பண்ணி பார்த்தேன். எதுக்கும் சரி வரவில்லை.சரி இதற்காக இப்போதைக்கு மண்டையை போட்டு உடைக்க வேண்டாம் என முடிவு பண்ணி விட்டேன். மூன்று நான்கு நாட்களின் பின் தினமலரில் வெளியாகும் இ கம்பியூட்டர் மலரை பார்வையிட்டுக்கொண்டு இருக்கும்போது, அதில் வரும் கேள்வி பதில் அங்கத்தில் குறிப்பிடப்பட்டுள்ள விடயம் ஒன்றினை பார்ப்பதற்காக Start > Run > System Configuration Utility பெட்டிக்கு சென்றேன். அங்கு எனது பிரச்சினைக்கு ஏதும் தீர்வு கிடைக்குமா என ஆராய்ந்தேன். அவ்வாறு பார்வையிடும்போது BOOT INI எனும் டேப்பை அழுத்தி பார்த்தேன். முன்னர் இந்த பிரச்னையை கதிர்வேலிடமும் கூறிய பொழுது இதற்கு BOOT INI அமைப்பில் மாற்றம் செய்ய வேண்டி வரும் என கூறியதுடன் இது தொடர்பில் விரிவாக பின்னர் மின்னஞ்சல் அனுப்புவதாகவும் கூறியிருந்தார்.

இப்பொழுது இந்த டேப்பை பார்த்தவுடன் கதிர்வேல் கூறியது நினைவுக்கு வந்தது. ஆனாலும் அதில் நேரடியாக எந்த மாற்றமும் செய்ய நான் முயற்சிக்கவில்லை. அதில் இருந்த Move Down டேப்பின் கீழ் இருந்த TimeOut என்பதில் மட்டும் முப்பது வினாடிகளை மூன்று வினாடியாக குறைத்து விட்டு மீண்டும் கணணியை மீள துவக்கியபோது அது பலன் கொடுத்தது. பூட்லோடர் தென்பட்ட பின்னர் கணணி மூன்று வினாடிகளில் பூட்டாகியது. ஆனாலும் அதிலும் திருப்தி அடைய முடியவில்லை. பூட்லோடரை பார்வைக்கு கொண்டு வராமலே நேரடியாக விண்டோஸ் இயங்குதளத்தில் இயங்கவைப்பது எப்படி என யோசித்து கொண்டு இருக்கும் பொழுது, எதேச்சையாக My Computer > Right click > System Properties போனேன். அங்கு எனக்கான தீர்வு கிடைத்தது. அங்கு Select Advanced Tab > Startup and Recovery > Settings அங்கே System Startup என்பதின் அடுத்த வரியில் Default operating system இயல்பிருப்பாக விண்டோஸ் இருந்ததனால் அதில் கை வைக்காமல் அதன் கீழே உள்ள Time to display list of operating system என்பதன் முன் உள்ள சதுர பெட்டியில் உள்ள டிக் அடையாளத்தை எடுத்து விட்டேன்.

இப்பொழுது கணணியை துவக்கும்போது மிகவும் விரைவாக பூட்லோடரை காட்டாமலே விண்டோஸ் இயங்குதளத்தில் இயங்க ஆரம்பித்து விடுகின்றது.

கூகிள் குரோம் உலவி பயன்படுத்துபவர்களுக்கு சில சுட்டிகள்.

2010-04-23T21:11:00.002+08:00

தொழில்நுட்ப பதிவுகள் எழுதும் அளவுக்கு நான் ஒன்றும் கணணி வல்லுனன் கிடையாது. இருந்தாலும் இந்த பதிவில் நான் பயன்படுத்தி பார்த்த சில பயன்பாடுகளை அவற்றின் சுட்டிகளோடு இங்கு தருகின்றேன்.

PDF Converter:- நாம் அன்றாடம் பார்வையிடும் பயனுள்ள இணைய பக்கங்களை எமது கணணியில் PDF File ஆக சேமிக்க இது மிகவும் பயன்படுகின்றது. இதன் தரவிறக்கமும் நிறுவலும் மிக சொற்ப வினாடிகளில் நடந்து முடிகின்றது. பின்னர் இதன் ஐகான் குரோம் உலவியின் வலது மேல் மூலையில்உள்ள settings பக்கத்தில் வந்து அமர்ந்து கொள்ளும். நீங்கள் PDF கோப்பாக மாற்ற விரும்பும் இணைய பக்கத்தை திறந்து வைத்து கொண்டு இந்த ஐகான் அழுத்தி Convert கட்டளையை கொடுத்தவுடன் சில வினாடிகளில் மாற்றிவிடும். பின்னர் தரவிறக்கி கணணியில் சேமித்து கொள்ளலாம்

Facebook Zoom: அன்றாடம் பேஸ்புக்கில் உள்ள நண்பர்களின் ஆல்பங்களில் THUMPNAIL ஆக உள்ள படங்களை பார்ப்பதற்கு அவற்றின் மேல் ஒவ்வொன்றாக கிளிக் பண்ணி பெரிதாக்கி தான் பார்ப்பதுண்டு. அவ்வாறு இல்லாமல் மிக இலகுவாக அவற்றின் மேல் மவுஸ் இருக்கும் போதே அவை தானாகவே உருபெருப்பித்து காண்பிக்கும் வசதியை இது தருகின்றது. இதை தரவிறக்கி நிறுவி விட வேண்டியது தான். பின்னர் ஒவ்வொரு முறையும் பேஸ்புக்கில் சென்று படங்களை பார்க்கும் பொழுது தானாகவே இயங்கும்.

Zoom Zoom: இதுவும் மேற்குறிப்பிட்ட செயல்பாட்டை ஒத்தது எனினும், மேற்குறிப்பிட்ட நீட்சி (Extension) பேஸ்புக்கில் மட்டுமே இயங்கும். இது Google images, Photobucket, Facebook, twitter, Flickr, படங்களிலும் இது இயங்கும். ஆகவே இது All in One.

Google mail checker: ஒவ்வொரு முறையும் தேடல் பெட்டியில் Gmail என தட்டி உங்கள் அஞ்சல் பெட்டிக்கு செல்ல வேண்டியிருக்கிறதே என சலித்து கொண்டால் இது உங்களுக்காக. இத அழுத்தி தரவிறக்கி நிறுவி கொள்ளுங்கள். இவரும் குரோம் உலவியில் வலது பக்க மேல் மூலையில் போய் அமர்ந்து கொள்வார். ஒவ்வொரு முறையும் நீங்கள் உங்கள் ஜிமெயில் அஞ்சல் பெட்டிக்கு செல்லவேண்டி இருக்கும் பட்சத்தில் இவரை அழுத்தி உங்கள் வேண்டுகோளை முன்வைத்தால் போதும்.

Yahoo mail checker: மேற்கூறியது போன்றே இதுவும்.

Fast youtube search: யூடியுப் வீடியோக்களை மிக விரைவாக தேட இது மிகவும் பயனுள்ள நீட்சி. இதன் தரவிறக்கம், நிறுவல் எல்லாம் மேற்கூறப்பட்டவை போல் ஒன்று தான்

இதைப்போல் மேலும் நூற்றுக்கணக்கான நீட்சிகள் கூகிள் குரோம் உலவியை பயன்படுத்துகிற -வர்களுக்கு கிடைக்கின்றன. அவற்றை பார்வையிட விரும்பினால் குரோம் உலவியின் வலது மேல் மூலையில் உள்ள ஸ்பானர் படம் உள்ள Settings ஐ தெரிவு செய்து வரும் பெட்டியில் விபர Extension என்பதை தெரிவு செய்யுங்கள். அதில் உங்கள் குரோம் உலவியில் ஏற்கெனவே பயன்பாட்டில் இருக்கும் நீட்சிகள் காட்சிப்படுத்தப்படும். அந்த பக்கத்திலேயே வலது கீழ் மூலைக்கு சென்றால் get more extensions என உள்ளதை தெரிவு செய்தால் குரோம் நீட்சிகள் பட்டியலிடப்பட்டிருக்கும். அதில் உங்களுக்கு தேவையானதை தெரிவு செய்து பயன்படுத்துங்கள்.

இதே போல் நெருப்பு நரி உலவியிலும் பயன்படுத்தக்கூடிய இரு நீட்சிகளின் சுட்டிகளை இங்கு தருகின்றேன்.

Gmail watcher. இதை தரவிறக்கி நிறுவிய பின்னர் நெருப்பு நரியை மீள்துவக்குங்கள். பின்னர் நெருப்புநரி சாளரத்தின் வலது கீழ் மூலையில் பாருங்கள்.

Googel tube: நெருப்பு நரியில் உங்களுக்கு ஓர் அசத்தலான YouTube Player வேண்டுமெனில் இதை தரவிறக்கி நிறுவுங்கள்.

மேலதிக you tube தொடர்பான நெருப்பு நரி நீட்சி சுட்டிகள்.

Firefox Pdf Converter: நெருப்பு நரியில் கிடைக்கும் நீங்கள் பார்க்கும் இணைய பக்கங்களை PDF கோப்பாக மற்றும் வசதி.

மேலதிக நெருப்பு நரி நீட்சிகள். உங்கள் நெருப்பு நரி உலாவிக்கு மேலும் பல பயனுள்ள நீட்சிகள் வேண்டுமெனில் மேல் உள்ளதை அழுத்துங்கள்.

உங்கள் கணணியில் உள்ள எழுத்துக்கள் அழுத்தமாக (BOLD) இல்லையா? மெலிந்த மங்கல் நிறமாக இருக்கின்றனவா? அப்படியெனில் தீர்வு இங்கே கிடைக்கும்.

பொதுவாக எமது கணணியில் உள்ள கோப்புகள் எல்லாம் மஞ்சள் நிறத்திலேயே இருப்பதுண்டு. அவற்றை தினம் தினம் பார்த்து எமக்கும் சலித்து போனாலும் அதை எமது தலைவிதி என நினைத்து விட்டு அமைதியாக வேலையை பார்த்துவிட்டு போய்விடுவோம். ஒரு மாறுதலுக்காக அவற்றை வித விதமான வர்ணங்களில் மாற்றியமைத்தால் எப்படி இருக்கும். முடியுமா? முடியும். தரவிறக்க இங்கே செல்லுங்கள்.

படித்ததில் பிடித்தது. கூகிள் தேடு. மந்திரச்சொல்.

2010-04-18T02:57:00.000+08:00

மிகப்பெரிய எண் ஒன்றை ஒரே வார்த்தையில் குறிப்பிட வேண்டும்.அந்த வார்த்தையை சொல்கிற விதத்திலேயே,அந்த எண்ணின் பிரம்மாண்டம் தெரியவேண்டும்.ஆனால் அதே சமயம் எல்லோராலும் சுலபத்தில் சொல்ல முடிகிற எளிய சொல்லாகவும் இருக்க வேண்டும். அப்படி ஒரு மந்திரசொல்லைத்தான் தேடிக்கொண்டிருந்தார் பேராசிரியர் எட்வர்ட் கேஸ்னர். கொலம்பியா பல்கலைக்கழகத்தில் பணியாற்றிக்கொண்டிருந்த இந்த கணிதமேதை மிகப்பெரிய எண்களின் பயன்பாட்டை பொதுமக்களுக்கு எடுத்துச்சொல்லும் பணிகளில் ஈடுபட்டிருந்தார். அதற்கு தான் இப்படி ஒரு புது வார்த்தை தேவைப்பட்டது. அதாவது சாதாரணமாக நம்மால் குறிப்பிட முடிகிற மிகப்பெரிய எண் எது?

ஒன்று, பத்து, நூறு, ஆயிரம், லட்சம், கோடி, ..... அதை பிறகு ? பத்து கோடி, நூறுகோடி, என்று மீண்டும் பழைய பட்டியலுக்கு தானே திரும்ப வேண்டி இருக்கிறது. இங்கே தான் பேராசிரியர் காஸ்னருக்கு பிரச்சனை. ஒரு கோடி என்று சொல்வதில் இருக்கும் கம்பீரமும் அழகும், பத்தாயிரம் கோடி அல்லது லட்சம் கோடி என்று ஓட்டுப்போட்டு விவரிக்கும் போது குறைந்து விடுவதாக அவருக்கு தோன்றியது. ஆனால் அதற்காக ஒவ்வொரு முறையும் இது போன்ற பெரிய எண்களை பூச்சியங்கள் போட்டு போட்டு கரும்பலகையில் எழுதி காட்டிக்கொண்டு இருக்க முடியாது. ஆகவே மிகப்பெரிய எண் ஒன்றை அதன் கம்பீரத்தை குறைக்காமல் சுட்டி காண்பிக்கும் பளிச் வார்த்தை தேடிக்கொண்டு இருந்தார் பேராசிரியர் எட்வர்ட் காஸ்னர் .

இன்னும் குறிப்பாக சொன்னால், ஒன்று போட்டு அதன் பக்கத்தில் நூறு பூச்சியங்கள் . இதை எவ்வாறு ஒரே வார்த்தையில் சொல்ல முடியும்.? பொதுவாக கணித வல்லுனர்கள் குறிப்பிடுவது போல இந்த எண்ணை முடிவிலி என்றும் சொல்லிவிட முடியாது. ஏனென்றால், இந்த எண் வரையறுக்கப்படாத முடிவிலி இல்லை. முடிவிலிக்கு குறைவான, ஆனால் சாதாரண வாழ்க்கையில் நம்மால் பயன்படுத்த முடியாத அளவுக்கு மிகபெரியதாக இருக்கிற இந்த எண்ணை என்ன பெயர் சொல்லி அழைக்கலாம்?. எந்நேரமும் குழப்பத்துடனேயே சுற்றிக்கொண்டிருந்தார் பேராசிரியர் எட்வர்ட் காஸ்னர். கணித் அடிப்படையில் அந்த எண்ணுக்கு என்னென்னவோ புதுபுது பெயரைக் சூட்டிப்பார்த்தார், ஆனால் எந்த பெயரும் அதற்கு சரியாக பொருந்தவில்லை என்று தான் அவருக்கு தோன்றிக்கொண்டு இருந்தது.

அப்போது ஒருநாள் தன்னுடைய மருமகன்கள் மில்டன்,எட்வின் என்ற இரண்டு பொடியன்களுடன் உலாவ சென்று இருந்தார் காஸ்னர். பையன்களோடு உற்சாகமாக பேசிக்கொண்டே நடந்து கொண்டிருந்தவர், விளையாட்டாக அவர்களிடம் இந்த கேள்வியை கேட்டார், ஒன்று போட்டு பக்கத்தில் நூறு பூச்சியங்கள், இந்த மகா நம்பருக்கு ஒரு பொருத்தமான பெயர் சூட்டுங்கள் பார்க்கலாம். கொஞ்சமும் யோசிக்காமல் சட்டென்று சொன்னான் மில்டன், கூகுல் (Googol) . அந்த பெயரை கேட்டதும் சந்தோஷம் கலந்த ஆச்சரியத்தில் ஆழ்ந்து விட்டார் காஸ்னர். மில்டன் குறிப்பிட்டது அர்த்தமில்லாத மழலை போன்ற ஒரு வார்த்தை தான். என்றாலும் இத்தனை நாளாக அவர் யோசித்த எல்லா பெயர்களையும் விட இந்த பெயர் தான் அந்த மிக பெரிய எண்ணுக்கு பொருத்தமானதாக இருப்பதாக தோன்றியது அவருக்கு ஆகவே ஒன்பது வயதுப் பையனான மில்டனின் சிந்தனையில் தோன்றிய அந்த ஜாலி வார்த்தையையே தன்னுடைய எண்ணுக்கு சூட்ட முடிவு செய்தார் பேராசிரியர் எட்வர்ட் காஸ்னர்.

இப்போது உலகபிரபலமாகி விட்ட கூகுள் என்ற சொல்லை முதன்முறையாக பயன்படுத்திய மில்டன், அந்த வார்த்தையை தெரிவு செய்த காரணம் அதில் O எனும் ஆங்கில எழுத்து திரும்ப திரும்ப வருவது தான். அதாவது பேராசிரியர் எட்வர்ட் காஸ்னர் குறிப்பிட்ட அந்த மிகப்பெரிய எண்ணில், ஒன்றுக்குப்பின் ஒன்றாக ஏகப்பட்ட பூச்சியங்கள் வருவதால் பூச்சியத்தை போலவே தோற்றமளிக்கும் ஆங்கில எழுத்தான O வை அருகருகே வைத்து, GOOGOL என்று ஒரு புதிய வார்த்தையை கற்பனையில் உருவாக்கினான் மில்டன். புதுமையான அந்த வார்த்தையிலிருக்கும் வித்தியாசமான அழகு கணிதமேதை எட்வர்ட் காஸ்னர் அவர்களுக்கும் மிகவும் பிடித்து விட்டது. ஆகவே தன்னுடைய மாணவரான ஜேம்ஸ் நியூமேன் என்பவருடன் இணைந்து எழுதிய Mathematics and imagination எனும் கணித நூலில் இந்த வார்த்தையை உலகிற்கு அறிமுகப்படுத்தினார்.

1940 ஆம் ஆண்டு இந்த நூல் வெளியான பிறகு, கணித வல்லுனர்கள் மாணவர்களிடையே கூகுள் எனும் வார்த்தை அதிகமாக புழங்க ஆரம்பித்தது. காஸ்னர் எதிர்பார்த்ததை போலவே மிக மிக பெரிய, ஆனால் முடிவிலியை விட குறைவான எண்களை குறிப்பிடும் பொதுச்சொல் ஆகவே அது மாறிவிட்டது. இதையடுத்து கூகுள்ப்ளெக்ஸ் என்று இன்னுமொரு வார்த்தையை உருவாக்கினார். எட்வர்ட் காஸ்னர். இந்த எண் கூகுளை விட மிக மிக பெரியது. அதாவது ஒன்று போட்டு அதன் பக்கத்தில் நூறு பூச்சியங்களை நிரப்பினால் அது கூகுள். அதே போல் ஒன்று போட்டு பக்கத்தில் கூகுள் பூச்சியங்களை நிரப்பினால்? அது தான் கூகுள்ப்ளெக்ஸ் இதனை எண்ணில் எழுதி காண்பித்தால், நாட்டில் காகித பஞ்சம் வந்து விடும்.

இப்படியாக நாற்பதுகளின் மத்தியில் கணித வல்லுனர்கள் மிகப்பெரிய எண்களை கூகுள், கூகுள்ப்ளெக்ஸ் என்றெல்லாம் அழைக்க ஆரம்பித்தார்கள். என்றாலும் அது பொது மக்களிடையே பிரபலமடைவதற்கு இன்னும் அரை நூற்றாண்டு காலம் காத்திருக்க வேண்டியிருந்தது. 2005 ஆம் ஆண்டிற்கான நோபல் பரிசு பெற்ற பிரிட்டன் நாடக ஆசிரியர் ஹெரால்ட் பிண்டர் 1975 ஆண்டு எழுதிய "No Man's Land" எனும் புகழ் பெற்ற நாடகத்தில் தான் முதன்முறையாக கூகுள் பொதுமக்கள் மத்தியில் எட்டி பார்த்தது. இந்த நாடகத்தில் இடம்பெறும் ஸ்பூனர் எனும் கதாபாத்திரம், ஹிர்ஸ்ட் எனும் இன்னொருவரிடம் அவருடைய மனைவியை பற்றி பேசும் போது, Did she google? என்று குறும்பாக கேள்வி கேட்கிறது.

பழைய கூகுளிற்கும் இதற்கும் லேசாக ஸ்பெல்லிங் மாறியிருப்பதால் (Googol- Google), பல ஆண்டுகளிற்கு முன்னால் மில்டன் சொன்ன அந்த Googol, பின்னர் ஸ்பூனர் சொல்லும் இந்த Google ஆகிய இரண்டும் ஒன்று தானா என்பதை பற்றி சரியான குறிப்புகள் எவையும் இல்லை. இன்னும் சொல்லப்போனால் கடந்த சில ஆண்டுகளில் மிக பிரபலமாகி விட்ட கூகுள் தேடு பொறியின் பெயர்க்காரணம் பற்றி எழுதுகிற யாரும் ஹெரால்ட் பின்டரின் இந்த நாடகவசனத்தை குறிப்பிடுவது கூட இல்லை. ஆனால் எழுபதுகளிலேயே கூகுள் எனும் வார்த்தை 'No Man's Land நாடகம் வழியாக மக்களிடையே அரங்கேறி விட்டது உண்மை. என்றாலும் அப்போது நமது பொதுஜனம் இந்த வார்த்தையை ஏற்று மனதில் பதித்து தினசரி வாழ்க்கையில் பயன்படுத்த தொடங்கவில்லை.

பின்னாட்களில் அதற்கு வழி செய்த இருவர், அப்போது தான் தட்டுத்தடுமாறி நடை பழகிக்கொண்டு இருந்தார்கள். 1973 இல் பிறந்த அந்த இருவரும் தான், இன்றைக்கு கணணியை பயன்படுத்துகிற எல்லோருக்கும் இன்றியமையாத ஒரு கருவியாகிவிட்ட நவீன கூகுளின் பின்னணியிலிருக்கும் பிரம்மாக்கள். ஆம் அந்த இரட்டையர்களில் ஒருவர் பேஜ் என்றும் லாரி என்றும் செல்லமாக அழைக்கப்படும் லாரி பேஜ். மற்றவர் லாரியை விட சில மாதங்கள் இளையவரான ரஷ்ய நாட்டவரான செர்கே பிரின்.

(கூகுளின் பெயர்க்காரணம் பற்றி விளக்கும் இப்பகுதி எழுத்தாளர் N.சொக்கன் அவர்கள் எழுதிய "கூகுள் தேடு " எனும் நூலிருந்து ஆசிரியரின் அனுமதியுடன் இவ்விடத்தில் பதிவிடப்படுகின்றது.)

எழுத்தாளர் N.சொக்கனின் வலை:

http://nhm.in/shop/978-81-8368-112-4.html

http://nchokkan.wordpress.com/